ليــــه
ليه نـــعذّب كل طيّـــب
ليه نِعيّب والعيب فِينــــا
ليه نخون والعمر يهون
فين مانكون نبيع أهلِينـَــا
نخاف نسلّم ولو نتــعلّم
ازاى نتكلّم يبقى بسكّينـه
ليه نخاف نكون نُضَاف
ناكلها حاف بس بايـدينَا
ليه يانَفسى تحبّى نفسِى
دايما تقسى على اللّى لينا
يــانَفسى انتى ليه خُنتِى
يــاما كنتى دايــماً أمينه
كلمه صريحه جّد مريحه
لقلوب جريحه جوه مدينه
ليه التساؤل مطلوب تفاؤل
نبقى أوائل نبنى مراسينا
ايد بــايد الخير هايزيــد
يبقى الحديد زى العجينه
بقلم / سيد عبدالوهاب
مجله نسمة الشعراء الالكترونيه 