ياخسارة يا ألف خسارة بقلم طارق السيد

ياخسارة يا ألف خسارة
ياحسرة قلبي عليك ياسمارة
فاكرني ولا ناسيني
ولا قابلنت بدالي بدارة
قول طمني هتسأل عني
ولا نويت عن عيني تدارى
يامحيرني قول صبرني
بكلمة ولا بأي إشارة
إديني أمارة إن إنت شاريني
تعالى ياروح الروح وريني
دنيا جديدة وبالألوان
وبألوانها تكحل عيني
ياللي سمارك لون النيل
ياأبو نظرة عين بتقول مواويل
راجع تاني ياطيري لعشك
وﻹ ياروحي غاوي التراحيل
ماتحرمنيش منك ياسمارة
الحلو في بعدك كله مرارة
إتشطرت عليا ياروحي
إرجع بقى كفاياني شطارة
ياإما تاخدني ياروحي معاك
أفرد جناحاتي وأطير وياك
وليه مانطير وسمانا براح
ولا يوم نتعب ولا نرتاح
نجمع قش ونبني العش
في أعلى فروع شجرة تفاح
نصحى ف وقت ماتصحى الشمس
نسعى ورزقنا ع الفتاح
ولما تغيب الشمس نعود
شايلين قوتنا من المعبود
ومهمإ يكون المقسوم لينا
نحمده دايما ع الموجود
دا كل إللي أنا طالباه ياسمارة
ساعتها ماأقول أبدا ياخسارة
مش راح تسمع إلا غنايا
يافرحة قلبي أنا بيك ياسمارة
بقلم طارق السيد

صورة ‏‎Tarek Elsayed‎‏.
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s